All for Joomla All for Webmasters

ჩინეთმა გამარჯვებით დაიწყო

თბილისის სპორტის სასახლეში დაიწყო ხელბურთის საერთაშორისო ფედერაციის ერთა მე-3 ჩემპიონატი. პირველ შეხვედრაში ერთმანთს A ჯგუფის გუნდები კოლუმბია და ჩინეთი შეხვდნენ. ჩინეთის ნაკრებმა 28:25 დაამარცხა სამხრეთ ამერიკელი მოწინააღმდეგე.

თავიდან კოლუმბია დაწინაურდა, მაგრამ ჩინელებმა სასტარტო წარუმატებლობას დამაჯერებლად სძლიეს და 5:0 გაქცევის შემდეგ ანგარიში გახდა 6:5 მათ სასარგებლოდ.

ჩინელთა გუნდურობას კოლუმბიელთა მხრიდან მატჩის საუკეთესო მოთამაშედ აღიარებული სებასტიან რესტრეპო პასუხობდა კარგი ინდივიდუალური თამაშით. მან ამ მატჩში 10 გოლი გაიტანა. პირველი ტაიმი დასრულდა 10:10.
შესვენების შემდეგ ჩინელთა უპირატესობა თვალსაჩინო იყო. კოლუმბიელებს ერთხელ ჰქონდათ გათანაბრების საშუალება, მაგრამ ვერ შეძლეს.

ჩინელთაგან საუკეთესოდ დაასახელეს 8 გოლის ავტორი ლი ჟაოპენგი.

კოლუმბიის ნაკრების საუკეთესო მოთამაშე სებასტიან რესტრეპო: რთული პირველი მატჩი გამოვიდა. ვნერვიულობდით. მოედანზე ახალგაზრა მოთამაშეები ვიყავით. ჩემპიონატისთვის გულდასმით ვემზადებოდით. განსაკუთრებით ბოლო ორი დღის განმავლობაში ვმუშაობდით ინტენსიურად. ჩვენი ძლიერი მხარე ერთი ერთზე თამაშია. ჩვენს თამაშს 10-დან 7 ქულას დავუწერდი.

ჩინეთის ნაკრების მწვრთნლი იაო სუჯიე: უპირველეს ყოვლისა გვიხარია ეს თამაში რომ მოვიგეთ. იმედი მაქვს, რომ ასევე წარმატებით განვაგრძობთ. პირველი ტაიმი ფრედ იმიტომ დასრულდა, რომ საუკეთესო შემადგენლობით არ ვთამაშობდით. ჩვენი გუნდი სხვეებზე ახალგაზრდულია.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *